Óttar Sveinsson

Um höfund

Óttar Sveinsson er fæddur í Reykjavík 14. október 1958. Hann varð stúdent frá Menntaskólanum við Hamrahlíð 1978. Starfaði í Höganes og Helsingborg í Svíþjóð 1980-81 og var við störf og nám í Kaupmannahöfn 1983-85. Hann varð blaðamaður á dagblaðinu DV árið 1988 og starfaði þar til ársins 2003. Á þeim árum var brautin rudd fyrir þær fimmtán bækur sem hann hefur skrifað, eina á ári frá 1994, sannar spennusögur um raunverulega atburði.

Fyrsta bókin, Útkall-Alfa TF-SIF, sem fjallaði um ýmis björgunarafrek þyrlusveitar Landhelgisgæslunnar, fór strax í eitt af efstu sætum metsölulistans. Allar bækurnar hafa náð álíka vinsældum hjá íslenskum lesendum og þær hafa verið gefnar út víða um heim. Bækurnar þykja spennandi og frásagnaraðferðin grípandi. Eftir að fyrsta bók Óttars kom út ákvað kvikmyndafyrirtækið Rescue 911 í Hollywood að fara til Íslands og setja á svið atburði sem voru viðfangsefni næstu bókar; þegar íslensk hjón féllu á vélsleða niður í hyldjúpa jökulsprungu á Snæfellsjökli. Sú mynd var sýnd í sjónvarpi í um 40 löndum. Óttar hefur einnig átt samstarf við BBC, Readers Digest og fleiri.

Bækurnar fjalla um sögulega atburði til sjós og lands þar sem fólk kemst í lífshættu.Þannig segir ein bókanna frá því þegar áhöfn DC-4 farþegaflugvélarinnar Geysis var týnd á toppi Vatnajökuls í hátt í viku. Önnur lýsir því þegar skip sökk á jólanótt í miðju Atlantshafi í kalda stríðinu og talið var að kafbátur hefði leynst fyrir neðan skipið. Ein bókin fjallar um árás U-300 á stærsta skip sem Íslendingar höfðu yfir að ráða í síðari heimsstyrjöldinni. Í öllum bókunum byggir höfundurinn frásagnirnar á viðtölum við fólkið sem hlut átti að máli – almenna borgara, hermenn, flugmenn, sjómenn og björgunarmenn.

Óttar er búsettur í Hamborg og Reykjavík og vinnur við ritstörf og útgáfumál.

Frekari umfjöllun:

Bók mánaðarins: Útkall - Árás á Goðafoss

Rit almenns efnis

Rit almenns efnis:

Útkall: Þyrluna strax!, 2007: Útkall

Danmörk, Nødkald, 2008: Dokumentas

Útkall: Árás á Goðafoss, 2003: Stöng

Þýskaland, Der Untergang der Godafoss, 2011: Ankerherz Verlag

Útkall í Djúpinu, 2001: Íslenska bókaútgáfan

England, Doom in the Deep, 2004: Lyons Press

Holland, IJsstorm , 2005: Gottmers 

Útkall í Atlantshafi á jólanótt, 1999: Íslenska bókaútgáfan

Danmörk, Mayday, Mayday!, 2008: Dokumentas

Danmörk, Mayday, Mayday!: En fantastisk redningsaktion på Atlanterhavet, 2001: Jentas

Útkall: Íslenska neyðarlínan, 1995: Íslenska bókaútgáfan

Kvikmyndað af Rescue 911 Hollywood, 1995

BNA, 1998: Readers Digest

Útkall: Pabbi, hreyflarnir loga, 2010: Útkall

Útkall: Við Látrabjarg, 2009: Útkall

Útkall: Flóttinn frá Heimaey, 2008: Útkall

Útkall: Leifur Eiríksson brotlendir, 2006: Útkall

Útkall: Hernaðarleyndarmál í Viðey, 2005: Útkall

Útkall: Týr er að sökkva, 2004: Útkall

Útkall: Geysir er horfinn, 2002: Stöng

Útkall upp á líf og dauða, 2000: Íslenska bókaútgáfan

Útkall: Fallið fram af fjalli, 1998: Íslenska bókaútgáfan

Útkall: TF–LÍF: Sextíu menn í lífshættu, 1997: Íslenska bókaútgáfan

Útkall á elleftu stundu, 1996: Íslenska bókaútgáfan

Útkall Alfa TF-SIF, 1994: Örn og Örlygur