Ólafur Haukur Símonarson

Um höfund

Ólafur Haukur Símonarson fæddist 24. ágúst 1947 í Reykjavík. Hann lærði innanhússarkitektúr í Kaupmannahöfn 1965-69 og síðan bókmenntir í Kaupmannahöfn og Strasbourg 1969-72. Hann flutti heim frá Danmörku 1974. Ólafur vann í tvö ár við dagskrárgerð hjá Ríkissjónvarpinu, m.a. við gerð heimildarmynda um íslenskt þjóðlíf. Hann var leikhússtjóri Alþýðuleikhússins 1980-82. Hann hefur fengist við ýmis önnur störf gegnum tíðina, en frá 1976 hefur hann að mestu helgað sig bókmenntaskrifum og þýðingum.

Ólafur Haukur hefur setið í stjórnum og ráðum ýmissa félaga og samtaka. Hann var formaður Leikskáldafélags Íslands frá 1986 - 1999, varaformaður Rithöfundasambands Íslands frá 1994, hefur setið í stjórn STEFs á Íslandi frá 1986, gegnt embætti varaforseta Leikskáldanefndar Alþjóðaleiklistarsambandsins frá 1993 og setið í verkefnavalsnefnd Leiklistarhátíðarinnar í Bonn (Bonner Theater Biennale) árin 1992 og 1994.

Ólafur Haukur hefur samið fjölda leikrita fyrir svið, útvarp og sjónvarp sem notið hafa mikilla vinsælda. Nefna má Blómarósir, Bílaverkstæði Badda, Hafið, Gauragang, Þrek og tár og Kennarar óskast. Kvikmyndin Ryð (1990) var gerð eftir leikritinu Bílaverkstæði Badda og kvikmyndin Hafið (e. Baltasar Kormák), er byggð á samnefndu leikriti Ólafs Hauks.

Fyrir utan ljóð og smásögur hefur Ólafur sent frá sér fjölmargar skáldsögur, svo sem Vatn á myllu kölska, Gauragang og Rigningu með köflum. Árið 1997 fékk sakamálasagan Líkið í rauða bílnum frönsk bókmenntaverðlaun fyrir bestu norrænu glæpasöguna. Ólafur Haukur hefur þýtt fjölda bóka, leikrita og kvikmynda. Hann hefur sent frá sér fræðibækur og skrifað greinar og smásögur í blöð, tímarit og safnrit hérlendis og erlendis. Einnig hefur hann samið og gefið út á hljómplötum fjölda sívinsælla sönglaga og texta.

(fengið frá bokmenntir.is)

Skáldverk

Skáldsögur:

Vatn á myllu kölska, 1978, 1979: Mál og menning

Danmörk, Vand på fandens mølle, 1979: s.n.

Líkið í rauða bílnum, 1986: Sögusteinn

Frakkland, Le cadavre dans la voiture rouge, 1997: Presses Université de Caen

Ein báran stök, 2010: Skrudda

Fuglalíf á Framnesvegi, 2009: Skrudda

Fluga á vegg: Sönn lygasaga, 2008: Skrudda

Rigning með köflum, 1996: Ormstunga

Vík milli vina, 1983: Mál og menning

Almanak jóðvinafélagsins, 1981: Mál og menning

Galeiðan, 1980: Mál og menning

Ljóð:

Bandaríkin, ljóð í The Postwar Poetry of Iceland, 1982: University of Iowa Press

Æskuljóð hvíta mannsins, 2003: Skrudda

Rauði svifnökkvinn: Lestrar- og myndabók, 1975: Heimskringla

Haustsýningin 1974, 1975: Letur

Má ég eiga við þig orð: Ljóð handa fólki sem aldrei les ljóð, 1973, 1976: Höfundur

Unglingarnir í eldofninum, 1970: Helgafell

Smásögur:

Þýskaland, „Gruß“ í Wortlaut Island, 2000: Wirtschaftsverlag NW

Ísland (norsk þýðing), „Vaktmester Robbi“, í Kulens side, 2007: Dimma

Sögur úr sarpinum, 1987: Íslenski kiljuklúbburinn

Vélarbilun í næturgalanum, 1977, 1978: SÚR

Dæmalaus æfintýri,1973: Höfundur

Rit almenns efnis

Ævisögur:

Stormur strýkur vanga: Ævisaga Guðjóns Símonarsonar, 1992: Forlagið

Leikverk

Kvikmyndahandrit:

Ryð (byggt á leikritinu Bílaverkstæði Badda), 1990: Óskráð

Leikrit:

Hattur og Fattur og Sigga sjoppuræningi, 2004: Óskráð

Vitleysingarnir, 2003: Skrudda

Græna landið, 2003: Óskráð

Gaggalú, 2003: Óskráð

Viktoría og Georg, 2002: Óskráð

Boðorðin 9: Hjónabandssaga á augabragði, 2002: Leikfélag Reykjavíkur

Meiri gauragangur, 1998: Óskráð

Kennarar óskast, 1996: Óskráð

Ævintýri á harða diskinum, 1995, 1996: Óskráð

Þrek og tár, 1995: Ormstunga

Gauragangur, 1994: Óskráð

Hafið, 1992, 1995: Forlagið

Kjöt, 1990: Óskráð

Á köldum klaka, 1990: óskráð

Hundheppinn, 1989: Óskráð

Bílaverkstæði Badda, 1987: Óskráð

Kötturinn sem fór sínar eigin leiðir, 1985: Óskráð

Ástin sigrar, 1985: óskráð

Milli skinns og hörunds, 1984: Mál og menning

Grettir, 1980: Óskráð

Blómarósir, 1979: Óskráð

Blái fíllinn, 1973: Óskráð

Andrókles og ljónið, 1972: Óskráð

Útvarpsleikrit:

Flutt í RÚV, í Vestur-Þýska útvarpinu og Slóvenska útvarpinu, 1994: Óskráð

Happdrættisvinnungurinn, 1992: RÚV

Barnabækur

Barnabækur:

Gauragangur, 1988, 1993, 1999: Mál og menning

Danmörk, Tumult, 1992: Amanda

Ísland (ensk þýðing), Turmoil, 2007: Skrudda

Fólkið í blokkinni, 2001, 2006: Mál og menning

Hattur og Fattur komnir á kreik (myndskreyting: Sigrún Eldjárn), 1984: Iðunn

Hattur og Fattur: Nú er ég hissa! (myndskreyting: Halldór Baldursson): , 1999: Flugfélagið Loftur

Meiri gauragangur, 1991,1998: Forlagið