Sigurður Pálsson

Um höfund

Sigurður Pálsson fæddist 30. júlí 1948 á Skinnastað í N-Þingeyjarsýslu. Hann lauk landsprófi frá Hagaskóla 1963 og stúdentsprófi frá M.R. 1967. Lærði frönsku í Toulouse og París 1967-1968. Nam leikhúsfræði og bókmenntir í Sorbonne 1968-1973 og síðan aftur frá 1978-1982. Lauk maîtrise-gráðu og D.E.A. (fyrri hluta doktorsgráðu). Jafnframt þessu nam hann við CLCF kvikmyndaskólann og tók lokapróf þaðan.

Um langa hríð hafa ritstörf og þýðingar verið aðalverksvið Sigurðar þótt hann hafi unnið á mörgum öðrum sviðum, svo sem við sjónvarp (leikstýrði þremur sjónvarpsmyndum) og kvikmyndir (framleiðandi tveggja kvikmynda). Hann kenndi við Leiklistarskóla Íslands frá stofnun hans 1975-1978 og hefur einnig unnið sem fréttaritari, leiðsögumaður, háskólakennari  o.m.fl. Sigurður var einn af Listaskáldunum vondu 1976. Forseti Alliance Française 1976-1978. Formaður Rithöfundarsambands Íslands 1984-1988. Skipaður formaður Yrkjusjóðs árið 2003 af Vigdísi Finnbogadóttur.

Út hafa komið þréttán ljóðabækur eftir Sigurð, þrjár skáldsögur og ein endurminningabók. Utan gátta (2008) er ellefta leikrit hans sem sviðsett er, en síðasta leikrit hans var einnig flutt í Þjóðleikhúsinu (Edith Piaf, 2004). Sigurður hefur þýtt rúmlega tuttugu verk úr frönsku og einnig tvö leikrit eftir Arthur Miller.

Árið 1994 kom út úrval ljóða hans á frönsku, árið 2005 úrval ljóða hans á búlgörsku og einnig á ítölsku. Árið 2008 kom út stórt úrval ljóða hans á spænsku. Ljóð eftir hann hafa birst í þýðingum á einum tíu tungumálum.

Sigurður Pálsson var valinn borgarlistamaður 1987. Fékk bókmenntaviðurkenningu Ríkisútvarpsins 1999. Bóksalaverðlaunin í flokki ljóðabóka fyrir Ljóðtímaleit 2001. Ljóð námu völd var tilnefnd til Norðurlandaverðlauna 1993, Ljóðlínuskip var tilnefnd til Bókmenntaverðlaunanna 1995, Ljóðtímaleit til sömu verðlauna 2001 og Minnisbók 2007, en fyrir þá bók fékk hann verðlaunin.

Menningarmálaráðherra Frakklands veitti Sigurði Riddarakross af Orðu bókmennta og lista árið 1990 (Chevalier de l‘Ordre des Arts et des Lettres). Frakklandsforseti sæmdi hann Riddarakrossi Frönsku Heiðursorðunnar árið 2007 (Chevalier de l‘Ordre National du Mérite).

Forlag: JPV

Skáldverk

Ljóðabækur:

Ljóð námu völd, 1990: Forlagið

Ísland (sænsk þýðing),  Dikten tog makten, 1993: Menntamálaráðuneytið

Ljóð vega salt, 1975: Heimskringla

Frakkland, Poèmes des hommes et du sel, 1993: Orphée/La différence

Ljóðorkuþörf, 2009: JPV útgáfa

Ljóðnámusafn (ljóðabækurnar Ljóð námu land, Ljóð námu menn og Ljóð námu völd), 2008: JPV

Ljóðorkusvið, 2006: JPV

Ljóðtímavagn, 2003: JPV

Ljóðtímaleit, 2001: JPV

 Ljóðtímaskyn, 1999: Forlagið

Ljóðlínuspil, 1997: Forlagið

Ljóð vega safn (ljóðabækurnar Ljóð vega salt, Ljóð vega menn og Ljóð vega gerð), 1996: Forlagið

Ljóðlínuskip, 1995: Forlagið

Ljóðlínudans, 1993: Forlagið

Ljóð námu menn, 1988: Forlagið

Ljóð námu land, 1985: Forlagið

Ljóð vega gerð, 1982: Iðunn

Ljóð vega menn, 1980: Mál og menning

Þýdd ljóð í safnritum:

Búlgaría, Ars Poetica Europeia: Ljóðasafn Sigurðar á búlgörsku, 2006: Zlatorg

BNA, ljóð í ICE-FLOE, International Poetry of the Far North, 2001: Ice-Floe

BNA, ljóð í The Postwar Poetry of Iceland, 1982: University of Iowa Press

Frakkland, Garðurinn – Jardin, 2006: Matarasso

Frakkland, ljóð í Littérature d‘islande, 1983: Europe

Frakkland, ljóð í  25 poètes islandais d‘aujourd‘hui, 2004: Écrits des Forges / Le Temps des Cerises

Ísland (ensk þýðing), ljóð í Treasures of Icelandic Verse, 1996: Mál og menning

Spánn, Vientos y nubes (úrval ljóða), 2008: Libros del innombrable

Þýskaland, ljóð í Wortlaut Island, 2000: Wirtschaftsverlag NW

Skáldsögur:

Næturstaður, 2002: JPV

Blár þríhyrningur, 2000: JPV

Parísarhjól, 1998, 1999: Forlagið

Rit almenns efnis

Ævisögur og endurminningar:

Bernskubók, 2011: JPV útgáfa

Minnisbók, 2007: JPV

Leikverk

Leikgerðir:

Hótel Þingvellir, 1990: óskráð

Leikrit:

Utan gátta, 2009: Völuspá

Edith Piaf, 2004: óskráð

Tattú, 2003: óskráð

 Einhver í dyrunum, 2000: Leikfélag Reykjavíkur

Völundarhús, 1997: Leikfélag Reykjavíkur

 Dvínandi rödd, 1991: óskráð

Húsið á hæðinni eða hring eftir hring, 1986: óskráð

Miðjarðarför eða innan og utan við þröskuldinn, 1983: óskráð

Hlaupvídd sex, 1977: óskráð

Undir suðvesturhimni, 1976: óskráð

Hvað er í kokinu á hvalnum?, 1975: óskráð

Sjónvarpshandrit:

Nóttin, já nóttin, 1989: óskráð