Bjarni Bjarnason

Um höfund

Bjarni Bjarnason fæddist í Reykjavík þann 9. nóvember 1965. Hann bjó víða erlendis í æsku en hefur birt ljóð í blöðum og tímaritum á Íslandi frá unglingsaldri. Bjarni skrifaði leikrit um tvítugt sem flutt var af áhugaleikhópi. Í upphafi ársins 1989 kom út fyrsta bók Bjarna, ljóðabókin Upphafið, og síðar sama ár birtist á prenti bókin Ótal kraftaverk sem inniheldur prósaljóð. Síðan hefur hann sent frá sér fleiri ljóðabækur, smásögur og skáldsögur auk þess sem hann hefur skrifað safn einþáttunga sem ber nafnið Dagurinn í dag.

Önnur skáldsaga Bjarna, Endurkoma Maríu, var tilnefnd til Íslensku bókmenntaverðlaunanna árið 1996 og tveimur árum síðar hlaut hann Bókmenntaverðlaun Tómasar Guðmundssonar fyrir skáldsöguna Borgin bak við orðin. Hann hefur hlotið verðlaun í smásagnakeppni Ríkisútvarpsins og skáldsaga hans, Mannætukonan og maður hennar vann til Bókmenntaverðlauna Halldórs Laxness árið 2001. Bjarni var frumkvöðull að stofnun bókmenntatímaritsins Andblæs sem komið hefur út frá árinu 1994, en þar er birt efni eftir unga höfunda.

Forlag: Uppheimar

(fengið frá bokmenntir.is)

Skáldverk

Skáldsögur:

Endurkoma Maríu, 1996: Ormstunga

Enska, The Return of the Divine Mary, 2007: Uppheimar

Mannorð, 2011: Uppheimar

Leitin að Audrey Hepburn, 2009: Uppheimar

Bernharður Núll, 2007: Uppheimar

Andlit, 2003: Vaka-Helgafell

Mannætukonan og maður hennar, 2001: Vaka-Helgafell

Næturvörður kyrrðarinnar, 1999: Vaka-Helgafell

Borgin bak við orðin, 1998: Vaka-Helgafell

Til minningar um dauðann, 1992: Augnhvíta

Ljóð:

Urðafjóla, 1990: Augnhvíta

Ótal kraftaverk, 1989: Augnhvíta

Upphafið, 1989: Augnhvíta

Safnrit:

Vísland, 1994: Andblær

Smásögur:

„Sólarlag við sjávarrönd“, Andblær (nr. 5 haust), 1996: Andblær

„Örninn“, Andblær (nr. 1), 1994: Andblær

Rit almenns efnis

Rit almenns efnis: