Höfundar
Ólafur Jóhann Ólafsson
Um höfund
Ólafur Jóhann Ólafsson fæddist 26. september 1962 í Reykjavík. Að loknu stúdentsprófi frá Menntaskólanum í Reykjavík 1982 hélt hann utan til frekara náms og útskrifaðist sem eðlisfræðingur frá Brandeis University í Massachusetts í Bandaríkjunum 1985. Hann hóf störf hjá Sony í Bandaríkjunum strax að loknu námi. Tíu árum síðar var hann kjörinn aðstoðarforstjóri fyrirtækisins og forstjóri margmiðlunardeildar þess. Hann átti meðal annars þátt í að þróa geisladiskinn og undir forystu hans hleypti fyrirtækið af stokkunum PlayStation leikjatölvunni. Árið 1996 hóf hann störf hjá fjárfestingarfyrirtækinu Advanta og var síðan ráðinn annar tveggja yfirmanna Time Warner Digital Media 1999. Hann tók þátt í samningaviðræðum við America Online á vegum fyrirtækisins sem leiddi af sér samruna fyrirtækjanna Time Warner, stærsta netþjónustufyrirtækis heims, og America Online, stærsta fjölmiðlunarfyrirtækis veraldar.
Á námsárunum skrifaði Ólafur Jóhann greinar um atómeðlisfræði sem birtar voru í vísindatímaritum. Fyrsta verk hans, smásagnasafnið Níu lyklar, kom út 1986 og fyrsta skáldsagan, Markaðstorg guðanna, birtist á prenti 1988. Fyrirgefning syndanna, sem út kom 1991, var tilnefnd til Íslensku bókmenntaverðlaunanna sama ár en Ólafur Jóhann hlaut síðan verðlaunin 2006 fyrir bókina Aldingarðurinn, sem er safn tengdra smásagna.
Auk skáldsagna og smásagna hefur Ólafur Jóhann sent frá sér leikritið Fjögur hjörtu sem frumsýnt var í Loftkastalanum 1997. Leikgerð Sniglaveislunnar var frumsýnd hjá Leikfélagi Akureyrar 2001 og hefur einnig verið sett á svið í Bretlandi. Verk Ólafs Jóhanns hafa verið þýdd á erlend tungumál.
Forlag: Vaka-Helgafell.
Frekari umfjöllun:
Skáldverk
Skáldsögur:
Málvekið, 2011: Vaka Helgafell
Bandaríkin, Restoration, 2012: Ecco
Höll minninganna, 2001: Vaka-Helgafell
Bandaríkin, Walking into the Night, 2003: Random House
England, Walking into the Night, 2004: Faber and Faber
Svíþjóð, Minnenas palats, 2004: AlfabetaAnamma
Ísrael: Modan
Ítalía, Una passeggiata nella notte, 2003: Longanesi
Rússland: Azbooka
Serbía, Odlazak u noć, 2005 : RDP B92
Spánn: RBA
Tyrkland: Can Yayinlari
Slóð fiðrildanna, 1999: Vaka-Helgafell
Bandaríkin, The Journey Home, 2000: Pantheon (innbundin); Vintage (kilja)
Danmörk, I sommerfuglens spor, 2002: Lindhardt & Ringhof
England, The Journey Home, 2001: Faber and Faber
Frakkland, Retour en Islande, 2000: Editions du Seuil
Holland: Nijgh & van Ditmar
Ísrael: Modan
Ítalía, Il viaggio di ritorno, 2001: Gruppo Editoriale Mauri Spagnol
Kína: Chongqing
Portúgal: Temas & Debates
Spánn, Camino a casa, 2001: RBA
Svíþjóð, Längtans resa, 2003: AlfabetaAnamma
Serbía: Samizdat B92
Þýskaland, Der Weg nach Hause, 2002: Albrecht Knaus
Kvikmyndaréttur: Hollywood
Fyrirgefning syndanna, 1991: Vaka-Helgafell
Danmörk, Syndsforladelse, 1996: Forum
Bandaríkin, Absolution, 1994: Pantheon
Frakkland, Absolution, 1996: Seuil
Holland, Vergiffenis, 2007: Niew Amsterdam
Noregur, Syndenes forlatelse, 1995: Gyldendal
Serbía: Samizdat B92
Þýskaland, Vergebung der Sünden, 1995, 1998: Steidl
Sakleysingjarnir, 2004: Vaka-Helgafell
Lávarður heims, 1996: Vaka-Helgafell
Sniglaveislan, 1994: Vaka-Helgafell
Markaðstorg guðanna, 1988: Vaka-Helgafell
Smásögur:
Aldingarðurinn, 2006: Vaka-Helgafell
Bandaríkin, Valentines, 2007: Pantheon Books
Serbía, Dan zaljubljenih : priče, Samizdat B92: 2008
Ísrael: Modan Publishing House
Japan: Hakusui-sha Co., Ltd.
Stjórnari himintunglanna og fleiri smásögur, 1996: Vaka-Helgafell
Níu lyklar, 1986: Vaka-Helgafell
Leikverk
Fjögur hjörtu, 1997: Frumsýnt í Loftkastalanum í Reykjavík 1997
Rakstur, 2003: Frumsýnt í Þjóðleikhúsinu 2003
Sniglaveislan, 2001: Leikfélag Akureyrar/Leikfélag Íslands