Kristín Ómarsdóttir

Um höfund

Kristín Ómarsdóttir er fædd 24. september 1962 í Reykjavík. Hún lauk stúdentsprófi frá Flensborg í Hafnarfirði 1981, stundaði nám í íslensku, almennri bókmenntafræði og spænsku við Háskóla Íslands.

Kristín hefur jöfnum höndum fengist við ljóða- og skáldsagnagerð, smásögur og leikritun. Hún hefur hlotið fjölda viðurkenninga fyrir verk sín og var skáldsagan Elskan mín ég dey tilnefnd til Bókmenntaverðlauna Norðurlandaráðs árið 1999, og leikrit hennar, Ástarsaga 3, var tilnefnt til Norrænu leikskáldaverðlaunanna. Árið 2005 fékk hún Grímuverðlaunin, sem leikskáld ársins, fyrir leikritið Segðu mér allt. Fyrir ljóðabókina Sjáðu fegurð þína hlaut hún Fjöruverðlaunin í flokki fagurbókmennta árið 2008.

Kristín hefur einnig unnið að myndlist, sýnt teikningar sínar, og verið í samstarfi við myndlistarfólk, m.a. Harald Jónsson, Ann Hallin og Ósk Vilhjálmsdóttur og ljósmyndarann Nönnu Bisp Büchert. Þá hefur hún unnið með myndlistarkonunni Gunnhildi Hauksdóttir að sýningarröðinni Audition, sem sýnd hefur verið í Kanada, Íslandi og á Norður Írlandi.


Bækur eftir Kristínu hafa verið þýddar á önnur tungumál og ljóð hennar hafa birst í erlendum safnritum. 


Skáldverk

Skáldsögur:

Hér, 2004: Salka

Svíþjóð, Här, 2007: Kabusa Böcker

Elskan mín ég dey, 1997: Mál og menning

Svíþjóð, Älskling jag dör, 1999: Anamma

Frakkland, T´es pas la seule à être morte, 2003: Le Cavalier Bleu

Hjá brúnni, 2009: Uppheimar

Dyrnar þröngu, 1995: Mál og menning

Svartir brúðarkjólar, 1992: Mál og menning

Smásögur:

Einu sinni sögur, 1991: Mál og menning

Finnland, Olipa kerran tarinoita, 1994: Like

Hamingjan hjálpi mér I og II, 2001: Mál og menning

Svíþjóð, Gud hjälpe mig I och II, 2003: Kabusa Böcker

Í ferðalagi hjá þér. Sögubók, 1989: Mál og menning

Ljóðabækur:

Inn og út um gluggann/in and out the window, 2003: Salka

Sjáðu fegurð þína, 2008: Uppheimar

Jólaljóð, 2006: Salka

Sérstakur dagur, 2000: Mál og menning

Lokaðu augunum og hugsaðu um mig, 1998: Mál og menning

Í húsinu okkar er þoka, 1987:

Þerna á gömlu veitingahúsi, 1993: Mál og menning

Leikverk

Leikverk:

Smásögur, 2007: Flutt í Ríkisútvarpinu 2007

Segðu mér allt, 2005: Frumsýnt í Borgarleikhúsinu 2005

Spítalaskipið, 2005: Flutt í Nemendaleikhúsi Listaháskóla Íslands 2005

Afmælistertan, 2003: Flutt í Ríkisútvarpinu 2003

Vinur minn heimsendir, 2003: Sett upp í Hafnafjarðarleikhúsinu 2003

Margar konur, 2000: Flutt í Ríkisútvarpinu 2000

Margrét mikla, 1996: Flutt í Reykjavík 1996 og í Ríkisútvarpinu 1999

Hjartatrompet, 1990: Sett upp af íslenska leikhúsinu í Reykjavík 1990

Draumar á hvolfi, 1985: Sett upp í Þjóðleikhúsinu 1985

Leikgerðir: