Böðvar Guðmundsson

Um höfund

Böðvar Guðmundsson fæddist 9. janúar 1939 á Kirkjubóli í Hvítársíðu. Hann lauk stúdentsprófi frá Menntaskólanum í Reykjavík 1962 og Cand. mag. prófi í íslensku frá Háskóla Íslands árið 1969. Hann stundaði nám í Þýskalandi 1964-1965 og í Frakklandi 1972-1973. Böðvar var stundakennari við Réttarholtsskóla í Reykjavík 1962-1963, síðar við Christians Albrechts Universität í Kiel, kenndi íslensku við Menntaskólann við Hamrahlíð 1969-1974, var stundakennari við heimspekideild Háskóla Íslands 1970-1972 og kenndi við Menntaskólann á Akureyri 1974-1980. Hann var stundakennari við Leiklistarskóla Íslands 1981-1983 og íslenskur sendikennari við Háskólann í Bergen 1983-1987.

Eftir Böðvar liggja ljóðabækur, leikrit og skáldsögur. Auk þess hefur hann þýtt fjölda erlendra verka fyrir börn og fullorðna. Fyrsta bók hans, ljóðabókin Austan Elivoga, kom út árið 1964. Skáldsögur hans um ferðir Íslendinga til Vesturheims hafa vakið mikla athygli og hlaut Böðvar Íslensku bókmenntaverðlaunin fyrir þá síðari. Þær voru síðar færðar í sviðsbúning og settar upp í Borgarleikhúsinu leikárið 2004 - 2005. Böðvar hefur einnig samið fjöldann allan af söngtextum. Meðal þýðinga Böðvars má finna verk eftir Heinrich Böll, Roald Dahl, Michael Ende og Astrid Lindgren. 

(fengið frá bokmenntir.is)

Forlag: Uppheimar

Skáldverk

Skáldsögur:

Híbýli vindanna, 1995: Mál og menning

Kanada, Where the Winds Dwell, 2000: Turnstone Press

Danmörk, Vindens hjem, 2002: PP-forlag

Lífsins tré, 2003: Mál og Menning

Danmörk, livets træ, 2003: PP-forlag

Enn er morgunn, 2009: Uppheimar

Smásögur:

Sögur úr Síðunni, 2007: Uppheimar

Bændabýli, 1990: Iðunn

Kynjasögur, 1992: Mál og menning

Sögur úr seinni stríðum, 1978: Mál og menning

Ljóð:

Alþýðusöngbókin, 2009: Uppheimar

Þrjár óðarslóðir, 1994: Mál og menning

Heimsókn á heimaslóð, 1989: Iðunn

Burt reið Alexander, 1971: Helgafell

Í mannabyggð, 1966: Heimskringla

Austan Elivoga, 1964: Almenna bókafélagið

Rit almenns efnis

Jónas Hallgrímsson, Ævimynd, 2007: Hraun í Öxnadal

Leikverk

Nýir tímar, 1999: Leikfélagið Sýnir

Tveir menn – ein ævi, 1995: Útvarpsleikhúsið

Kvennaskólaævintýrið, 1994: Freyvangsleikhúsið

Fátækt fólk, 1990: Leikfélag Akureyrar

Ættarmótið, 1990: Leikfélag Akureyrar/Leikfélag Íslands

Ása prests, 1989: Einleikur. Útvarpsleikhúsið

Gamli maðurinn með kvenmannsleysið, 1987:   

Úr aldarannál, 1982: Litli leikklúbburinn

Þórdís þjófamóðir, 1982: Nemendaleikhúsið

Grísir gjalda, gömul svín valda, 1979:

Heimilsdraugar, 1979: Alþýðuleikhúsið

Krammagull, 1976: Alþýðuleikhúsið

Skollaleikur, 1975: Alþýðuleikhúsið

Barnabækur

Krakkakvæði, 2002: Mál og menning